September-katalogen 2022
Velkommen til Katalog nr. 196 frå Nynorsk Antikvariat. Her er meir enn 600 bøker å velje i. «Bokhistorier» av Ottar Grepstad er berre til sals hos oss! Vi har ti nummererte og signerte eksemplar att. Dette er ei unik bok, ho byr på særs mykje kunnskap om norsk forlagssoge og nynorsk bokproduksjon!
Ein del emne er særs godt representerte denne gongen, vi nemner: Religion, Mystikk/mytologi, Arkeologi, Naturen, Dyr og Skogen. Bøker om Andre verdskrigen, Norsk/nordisk historie og Maritimt må også nemnast.
Når det gjeld lokalhistorie konsentrerer vi oss i denne katalogen om Agder, Buskerud, Hordaland, Oppland og Vestfold/Østfold, men aller mest om Telemark.
Skjønnlitterære bøker både for store og små er sjølvsagt med. Ta også ein titt på bøkene under Varia, her er mangt interessant.
Som alltid gjeld det å vere tidleg ute. Bruk skjemaet, då skal det mykje til at nokon «snappar» boka framfor nasen din. Nytt også høvet til å supplere tinginga di med bøker frå det ordinære sortimentet vårt.
Dess fleire bøker du tingar, di lågare vert portoen for kvar bok.
Du finn det ordinære sortimentet vårt på over 60.000 titlar her: Søk på alle bøker fra Nynorsk Antikvariat