Julekatalogen 2025
Velkommen til julekatalogen. Her finn du 535 nyinnkjøpte bøker og hefte. Spennet er stort både i sjanger og pris, frå Knoll og Tott til 50 kroner, til førsteutgåva av Hamsuns Benoni i originalbind til 7.000 kroner. Vi har fleire førsteutgåver for samlarar denne gongen, flotte julegåver som i mange høve er ei god investering.
Det er med vyrdnad vi har teke bøkene etter Herbjørn Sørebø i hus, Herbjørn var ein god ven, og hadde mange vener som sette pris på han, det syner godt att mellom dedikasjonsbøkene i denne katalogen.
Vi stiller mannsterkt opp for å pakka og ekspedera etter kvart som tingingane kjem inn i dag og i morgon, det sikrar at alle bokpakkane er framme i god tid før jul!
Gåvekort er også eit godt alternativ. Vi «skreddarsyr» gåvekort med namn til og frå. Du bestemmer sjølv summen. Gåvekorta kan vi senda som PDF til mottakar og med rekning til deg på e-post, eller leggja ved i postsendinga om det høver best.
Då står det att å ønskja kvar og ein ei god julehelg, og seia takk for alt vi har vore saman om dette året.
TAKK OG GOD JUL!
Som alltid gjeld det å vera tidleg ute. Bruk skjemaet, då skal det mykje til for at nokon rekk å «snappa» ei bok framfor nasen din. Nytt også høvet til å supplera tinginga di med bøker frå det ordinære sortimentet vårt.
Du finn det ordinære sortimentet vårt på over 60.000 titlar her: Søk på alle bøker i Nynorsk Antikvariat